النهاردة هنعمل اكلة شعبية وكل الناس بتحبها وهى :
الكشرى المصرى
المكونات :
المكرونة
الارز
الشعرية
الصلصة
البصل
العدس
الحمص
وفى حاجة مهمة للكشرى وهى ( بنسميها فى مصر ) الدقة
وهى بتاخد وقت للتتبيلة وعشان كده نعملها أولا ومكوناتها كالتالى :
4 فصوص ثوم مفروم ناعم
1 معلقة صغيرة كمون
ملح حسب الرغبة
2معلقة كبيرة خل
كوب ماء
طريقة الدقة :
نضيف الثوم والكمون والملح ونقلب ثم نضيف ملعقتى الخل ونضيف الماء ونتأكد من الملح وهذه هى طريقة الدقة .
ثانيا : البصل ، ومكوناتة :
مقداربصلتين متوسطتين مقطعين شرائح
زيت+ملح
طريقة تحمير البصل :
نضيف للبصل معلقة صغيرة من الملح ونقلبة جيدا ثم نضعه فى الزيت حتى يصبح لونه ذهبى ثم نخرجه على ورق .
ثالثا : المكرونة ، ومكوناتها :
مكرونة مقصوصة صغيرة
مكرونة اسباجتى
ماء مغلى
ملح
الطريقة :
نضع المكرونة في الماء المغلى والملح حتى تنضج ( وهى ما تسمى بسلق المكرونة ) .
رابعا : الارز بالشعرية والعدس :
اسلقى العدس( نفس طريقة سلق المكرونة ) ، بعد ذلك نحمر الشعرية ( أى نضع الشعرية على السمن أو الزيت بالتسخين ) ونضيف عليها الارز و نضع العدس المسلوق بمياهه على الارز (أنها سبب لون الكشري المتعارف عليه شبه رمادي) وملح ويترك حتى الغليان او التشرب ، قومى بتهدئة النار حتى ينضج الأرز.
الحمص يسلق مثل طريقة المكرونة .
خامسا : الصلصة
المكونات:
ملعقتين زيت
بصلة متوسطة مفرومة ناعم
4 فصوص ثوم مفروم
5حبات طماطم مضروبة بالخلاط
ملعقة صغيرة كمون وملح حسب الرغبة .
الطريقة:
نضع الزيت في اناء عميق ونضيف البصل حتى يذبل ثم نضيف الثوم ثم الطماطم وتتركها تغلى
ثم نضيف الملح والكمون ونتركها على النار حتى تصبح مركزة .
واخيرا جهزى الطبق
ابدئى بالمكرونة ثم الارز ثم الصلصة ثم البصل ثم الحمص . (محلات الكشرى وبعض البيوت تقوم بوضع الأرز أولا ثم المكرونة ، ولكى الأختيار )
يمكنك أن تاكلى مع الكشرى طماطم متبلة بالثوم والخل والملح والفلفل والكمون .
وبالصحة والعافية
